სამსახურის უფროსი

ირაკლი ბერაია

ირაკლი ბერაია, 2024 წლის 5 აპრილს, საქართველოს პრემიერ-მინისტრის ბრძანებით, დაინიშნა საქარველოს დაზვერვის სამსახურის უფროსად.

2020-2024 წლებში იკავებდა საქართველოს პარლამენტის თავდაცვისა და უშიშროების კომიტეტის თავმჯდომარის, ასევე პარლამენტის ნდობის ჯგუფის თავმჯდომარის პოზიციებს. ამავე პერიოდში იყო ნატო-ს საპარლამენტო ასამბლეაში ქართული საპარლამენტო დელეგაციის ხელმძღვანელი.

2019-2020 წლებში ხელმძღვანელობდა საქართველოს პარლამენტის საგარეო ურთიერთობათა კომიტეტს, ასევე ტერიტორიული მთლიანობის აღდგენისა და დეოკუპაციის საკითხებთან დაკავშირებულ საპარლამენტო კომისიას.

2016-2019 წლებში იყო საქართველოს პარლამენტის თავდაცვისა და უშიშროების კომიტეტის თავმჯდომარის პირველი მოადგილე.

2015-2016 წლებში ხელმძღვანელობდა საქართველოს სახელმწიფო უსაფრთხოების სამსახურის საინფორმაციო-ანალიტიკურ დეპარტამენტს. ამავე პერიოდში იყო საქართველოს ხელისუფლების მხრიდან მონაწილეთა ჯგუფის ხელმძღვანელი ერგნეთისა და გალის ინციდენტების პრევენციისა და მათზე რეაგირების მექანიზმის შეხვედრებზე.

2012-2015 წლებში ირაკლი ბერაია იკავებდა შინაგან საქმეთა სამინისტროს რეფორმებისა და განვითარების დეპარტამენტის დირექტორის თანამდებობას.

სხვადასხვა პერიოდში მუშაობდა საქართველოს წითელი ჯვრის საზოგადოებასა და წითელი ჯვრის საერთაშორისო ფედერაციაში, ეკონომიკის სამინისტროსა და კერძო სექტორში.

ირაკლი ბერაიას დამთავრებული აქვს საქართველოს დიპლომატიური აკადემია. მიღებული აქვს დიპლომატიის მაგისტრის ხარისხი დიდ ბრიტანეთში, უესტმინსტერის უნივერსიტეტში.